Zhduket pa lënë gjurmë futbollisti, dy javë më parë nënshkroi me klubin kroat

Klubi kroat HNK Gorica, ka raportuar zhdukjen e futbollistit 27-vjeçar, Hamid Abdullah Talal, i cili dy javë më parë u transferua nga hungarezët e ZTE drejt Goricës.

Përmes një postimi në rrjete sociale, klubi kroat njofton se futbollisti 27-vjeçar është zhdukur pa lënë gjurmë dhe nuk dihet ende asnjë informacion në lidhje me vendndodhjen e tij.

Të shtunën, më 19 gusht, ishte hera e fundit kur Talal u pa. Ai u largua nga Kroacia për në Budapest për të sjellë dokumentacionin e nevojshëm për regjistrim në klubin e tij të ri. Klubi raporton se ka humbur kontaktet me futbollistin dhe kërkon nga kushdo që mund të ketë informacion të lajmërojë policinë.

“Zhdukja është raportuar në policinë hungareze, dhe familja dhe HNK Gorica po kërkojnë nga kushdo që ka ndonjë informacion për Hamed të kontaktojë stacionin apo klubin më të afërt të policisë”, shkruan klubi i HNK Goricës në “Facebook”.

Talal kishte një makinë Porsche të bardhë “Taycan” me targa suedeze, teksa ka pasaportë irakiane dhe suedeze.

Organet ligjzbatuese nuk përjashtojnë mundësinë që futbollisti të jetë rrëmbyer, pasi ai vjen nga një familje e pasur.

LEXONI GJITHASHTU:

• Bashkëpronar në një kompani kanadeze, vritet me armë zjarri 26-vjeçari shqiptar
• Tentoi të vriste 41-vjeçarin, arrestohet pas 2 javësh i riu. E “pëson” vëllai i tij