Kongresi i PS-së zhvillohet në panele të hapura diskutimi

Partia Socialiste po zhvillon Kongresin të shtunën.

Kongresi nisi të zhvillohet në 5 panele të hapura diskutimi, në varesi të sektorëve.

Rreth orës 12 socialistët u bashkuan në Pallatin e Kongreseve.

Pesë panelet ishin: 1. Bujqësia dhe siguria ushqimore, 2. Energjia, transporti dhe mjedisi, 3. Shëndetësia, mbrojtja sociale dhe puna, 4. Siguria, Rajoni dhe Europa, 5. Rinia dhe Inovacioni.

Ministrja e Jahtme Olta Xhaçka, nga Pallati i Kongreseve tha se prioritet mbetet liberalizimi i vizave të Kosovës, si edhe procesi i njohjeve të Kosovës si shtet.

“Është prioriteti ynë në Këshillin e Sigurimit”, tha Xhaçka.

Ministrja e Financave, Delina Ibrahimaj tha se qeveria do të fokusohet në ashpërsimin e masave ndaj atyre që nuk deklarojnë pagat e punonjësve.

Ministrja e Shëndetësisë Ogerta Manastirliu tha se po punohet për eleminimin e çdo praktike abuzive në shërbimin shëndetësor.

Sipas ministres, kjo do të bëhet përmes autonomisë spitalore “si një model i ri për menaxhimin dhe financimin, ku stafet do të paguhen sipas performancës”.