Zjarr i përmasave të mëdha në fshatin Konisbaltë, 20 efektivë në terren

Një zjarr i fuqishëm ka përfshirë sot zonën kodrinore në kufirin mes fshatit Konisbaltë dhe fshatit Mbreshtan, në bashkinë Dimal. Flakët, të favorizuara nga era dhe temperaturat e larta, janë përhapur me shpejtësi, duke rrezikuar sipërfaqe të konsiderueshme toke.

Në ndihmë të zjarrfikësve të Dimalit kanë mbërritur forca shtesë nga qyteti i Beratit, me tre mjete zjarrfikëse dhe 20 efektivë, si dhe një mjet zjarrfikës me katër efektivë nga qyteti i Kuçovës.

Sipas informacioneve zyrtare, zjarrfikësit kanë arritur të lokalizojnë flakët dhe janë ende duke punuar për shuarjen e plotë të vatrave. Megjithatë, puna e tyre është përballur me vështirësi për shkak të terrenit të thyer dhe të vështirë për ndërhyrje.

Aktualisht, disa vatra mbeten ende aktive dhe janë nën monitorim të vazhdueshëm nga forcat zjarrfikëse, të cilat po bëjnë përpjekje maksimale për të shmangur rindezjen e zjarrit dhe për të parandaluar përhapjen e mëtejshme të tij.

LEXONI GJITHASHTU:

• EMRAT| Trafikonin armë në Britani, SPAK çon për gjykim grupin e strukturuar kriminal
• Çmimet e reja të referencës shtyjnë kërkesën në zonat më të lira