Zjarr i qëllimshëm në Dardhas të Korçës, zjarrfikësit izolojnë flakët

Dy vatra të qëllimshme zjarri janë aktivizuar mbrëmjen e të shtunës në njësinë Dardhas midis fshatrave Grunjas dhe Prenisht. Vatrat e zjarrit kishin përfshirë sipërfaqe me bimësi dushku.

Drejt zonës në orët e para të mëngjesit kanë shkuar 15 punonjës nga pyjorja, zjarrfikësja bashkë edhe me banorë të zonës për të izoluar vatrat e zjarrit

Aktualisht dy vatra janë izoluar dhe janë fikur dhe po monitorohen nga afër për të mos lejuar riaktivizimin  e tyre, ndërkohë është duke u punuar në një vatër të tretë në zonën e Prenishtit e cila ka rënë mëngjesin e të dielës.

Sipas të dhënave situata është nën kontroll ndërsa do të kryhen edhe veprimet hetimore për të gjetur personin që ka ndezur qëllimisht zjarret.

Një ditë më parë dy vatra zjarri  ishin aktive në njësinë e Çerravës të cilat janë izoluar dhe fikur pa dëme të mëdha.

LEXONI GJITHASHTU:

• Zjarri i korrikut të vitit 2023, Prokuroria zbarkon në inceneratorin e Elbasanit
• Lëvizte me armë zjarri, arrestohet 20-vjeçari, procedohet pasagjeri për moskallëzim