Zjarr në një banesë në Pogradec, 52-vjeçarja humb jetën nga asfiksia

Një ngjarje e rëndë është shënuar në orët e para të mëngjesit të kësaj të hëne në qytetin e Pogradecit kur rreth orës 06:00, në lagjen nr. 1, ka rënë zjarr në një banesë.

Sipas informacioneve të para nga policia, dyshohet se si pasojë e asfiksimit nga tymi ka humbur jetën një 52-vjeçarja Kozeta Teço, e cila banonte në apartamentin ku ka rënë zjarri

Në vendngjarje ndodhen shërbimet zjarrfikëse dhe grupi hetimor, të cilët bënë të mundur shuarjen e flakëve dhe po vijojnë punën për të zbardhur plotësisht shkaqet dhe rrethanat e kësaj ngjarjeje tragjike.

Njoftimi i policisë

Rreth orës 06:00, në lagjen nr. 1, në banesën e shtetases K. T., rreth 52 vjeçe, ka rënë zjarr.

Si pasojë e asfiksimit nga tymi, ka ndërruar jetë 52-vjeçarja.

Grupi hetimor dhe shërbimi zjarrfikës ndodhen në vendngjarje, ku kanë bërë të mundur shuarjen e zjarrit dhe po punojnë për sqarimin e plotë të rrethanave të rastit.

LEXONI GJITHASHTU:

• U gjet e vdekur në banesë pas zjarrit, dyshohet se gruaja në Pogradec është vrarë
• Përkeqësohet situata gjatë natës nga zjarri në Sasaj, Balluku monitoron zonën
• Gjendet trupi i pajetë i një 26-vjeçari Liqenin e Shkodrës