Zjarret në Vlorë, Balla: Vijon puna nga toka dhe ajri për eleminimin e flakëve

Ministri i Brendshëm Taulant Balla ka përshëndetur punën e forcave zjarrëfikëse të bashkive të Qarkut Vlorë dhe repartet e Forcave të Armatosura për vendosjen nën kontroll të vatrave të zjarrit në Porto Palermo.

Përmes një postimi në rrjetet sociale Balla shprehet se tashmë situata është drejt normalizimit dhe se po vijon puna për eleminimin e të gjithë vatrave që paraqesin rrezik për rindezje të zjarreve.

“Faleminderit forcave zjarrëfikëse të bashkive të Qarkut Vlorë dhe repartet e Forcave të Armatosura për vendosjen nën kontroll të vatrave të zjarrit. Gjatë natës së mbrëmshme situata në zonën e Porto Palermo u rëndua për shkak të erës së fortë dhe u evakuan banorët nga banesat dhe bizneset e zonës. Në këtë moment situata është drejt normalizimit dhe po vijon puna për eleminimin e të gjithë vatrave, të cilat paraqesin rrezik për rindezje të zjarreve”, shkruan Balla.

LEXONI GJITHASHTU: 

• Dritë e gjelbër për ‘F-16’, Ukraina do marrë avionë luftarakë, por…
• Vijojnë dorëheqjet e serbëve nga policia e Kosovës, Osmani: Presion nga Beogradi