Zv.drejtori i policisë flet nga Basnjka: Gjetëm 24 makina me armë dhe ushqime

Zëvendës drejtori i policisë së Kosovës Veton Elshani ishte këtë të mërkurë i ftuar në Euronews Albania për të dhënë më tepër detaje rreth zbulimeve të fundit të armëve në veri të Kosovës.

Ky aksion ka nisur pas sulmit të organizatës kriminale të udhëhequr nga Milan Radoiçiç në afërsi të manastirit të Banjskës në Kosovë. Ku mbeti i vrarë Afrim Bunjaku.

“Janë gjetur dy autoblinda dhe makina mesa di unë 22, 24 të gjitha të mbushura ose me armatime, ose me ushqime ose me pajisje të cilat do të përdoreshin në ndonjë rast eventual”

I pyetur nëse kanë gjetur prova materiale, Elshani u përgjigj:

“Provat materiale i kemi gjetur, konsiderojmë se kemi shumë materiale të cilat duhet ende të verifikohen e të studiohen dhe nëse nuk na çojnë te të gjithë të dyshuarit atëherë na çojnë te shumica e të dyshuarve që kanë qenë në Banjskë”,-tha zëvendës drejtori.

LEXONI GJITHASHTU:

• Bardhi kërkon seancë urgjente për Kosovën: Nuk na nderon fakti që jemi të fundit
• “Kosova, pikë e nxehtë”- Rama për FT: NATO të rivendosë kontrollin në Veri