“1/3 e grave, probleme pas lindjes”- Studimi i “The Lancet”: 17 % bien në depresion

Çdo vit, 1 / 3 treta e grave apo afro 40 milion nëna në botë përjetojnë një problem shëndetësor të shkaktuar nga lindja.

Studimi i fundit i publikuar në “The Lancet Global Health” ka nxjerr në pah problemet e shëndetit të grave pas lindjes, disa prej të cilave zgjasin me muaj apo dhe vite.

Problematikat janë sa fizike dhe mendore.

Bazuar në studim, sa i takon problemeve shëndetësore fizike shohim se 32% e grave përjetojnë dhimbje të shpinës, pas lindjes, ndërsa 31% kanë problem urinare.

Por kur flitet për probleme që lidhen me shëndetin mendor, shohim se lindja, përjetohet si traum nga 15% e grave të cilat në bazë të studimit, krijojnë frikë nga lindja e quajtur tokophobi.

Edhe më i lartë është numri i grave që preken nga ankthi dhe depresioni pas lindjes. Respektivisht 9-24% e grave preken nga ankthi dhe 11-17% preken nga depresioni.

Nisur nga këto të dhëna, Ekspertët e Shëndetësisë Botërore kërkojnë vëmendje më të madhe ndaj këtyre problemeve brenda sistemeve shëndetësore.

Ata theksojnë rëndësinë e kujdesit efektiv jo vetëm gjatë lindjes, por edhe gjatë gjithë shtatzënisë si masë parandaluese kundër komplikimeve që mund të çojnë në probleme shëndetësore të qëndrueshme pas lindjes.

LEXONI GJITHASHTU:

• “Festojnë Shën Valentinin në shkolla 9-vjeçare”, Mërtiri: Raporti i PISA, i pritshëm
• “Mësuesi paguhet më pak se pastruesja e ministrisë”, Kaptelli: PISA tjetër, më keq