“Mësuesi paguhet më pak se pastruesja e ministrisë”, Kaptelli: PISA tjetër, më keq

Kreu i federatës sindikale të arsimit Nevruz Kaptelli, tha se raporti i PISA për Shqipërinë do të jetë më keq vitin e ardhshëm në rast se pagat e mësuesve nuk rriten.

Ai tha se rritja e pagave të mësuesve duhet bërë menjëherë, pasi nuk do të ishte çudi që me këto paga të mbeteshim pa mësues.

Sipas tij pagat e mësuesve janë në të njëjtin nivel me pagat e sanitareve të ministrisë.

“Në rast se paga e mësuesve nuk do të motivojë maturantët që të shkojnë në degët e mësuesisë,  ne pas disa vitesh nuk do të kemi më mësues. Ata që kanë mbaruar shkollën me nota 5, se sipas pagës që kanë mësuesit, për çfarë duhet të shkojmë atje.

Ka një mesatare për mësuesit, por këto tani janë fakultative. Mesatarja duhet të jetë mbi 8. Si mund të japë mësim dikush që vjen nga arsimi i mesëm me nota të ulëta. Qeveria asnjëherë nuk e ka pasur prioritet arsimin. Janë larguar shumë arsimtarë.

Nëse pagat e mësuesve nuk dyfishohen menjëherë, jo në korrik, por në fillim të vitit. Nëse nuk vlerësohet puna e mësuesve, atyre ju hoq shpërblimi që merrnin prej 10 mijë lekësh në fund të vitit, ata kanë mbetur me një pagë më të ulët se pastruesja e ministrisë, me një pagë më të ulët se shoferët e administratave, ndonjëherë edhe të ujësjellësve, atëherë, ku është e ardhmja?”-tha Nevruz Kaptelli.

LEXONI GJITHASHTU:

• Raporti i PISA: 25% e nxënësve shqiptarë bullizohen në shkollë, 31 % lënë orët
• “Kemi mungesa edhe në arsim, edhe në edukim”, Lekatari: E prisja të ishim nivel i ulët