“15 vite burg në Kodin Penal ”, Balla-opozitës: Të bashkohemi kundër zjarrvënësve
Ministri i Brendshëm, Taulant Balla i bëri thirrje opozitës gjatë fjalës së tij në Kuvend duke iu kërkuar të bashkohen kundër zjarrvënësve të qëllimshëm.
Ai kujtoi dhe dënimin që parashikohet në Kodin Penal që shkon deri në 15 vite burg.
“Në Patos një banor me pretendimin se po digjet ferrat e tij i vuri zjarrin gjithë Patosit. Edhe në rastin e Pishporos dhe Darezëzës, jeni njohur me informacionin e policisë që personi i dyshuar është arrestuar, zjarrvënia ka qenë e qëllimshme dhe besoj që këtu duhet të mirëpresim edhe apelin e opozitës që fatkeqësisht nuk e ka bërë deri më sot. Me aq shumë konferenca për shtyp që bëni, 3 foltorja, 4 PD edhe ca të tjerë, harxhoni një qëndrim të vetëm, nuk e kam për politikë, por si nevojë për t’i folur me të njëjtën gjuhë drejtësisë.
Dënimi maksimal për ata që e vendosin zjarrin duke shkaktuar dëme, 15 vite përcakton kodi penal ndaj atyre që vendosin zjarre. Unë kam parë një sërë rastesh, por më flagranti i qëndrimit të kundërt me atë që është interesi kombëtar është një prej zjarreve në Kurbin, ku foltoristë të opozitës jo vetëm që nuk mbajnë krahun e drejtësisë, por marrin përsipër që në ‘faqebukun’ e tyre të marrin në mbrojtje autorin, me pretendimin se kishte harruar celularin aty ku kishte vënë zjarrin. Kjo është e rëndë. Mund të keni gjithçka me mua, por jo me policinë e shtetit. Do ta kërkoj mbështetjen e kolegëve të opozitës. Fenomeni i zjarrvënies duhet të goditet,” – u shpreh Balla.
LEXONI GJITHASHTU:
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër
- 07:56 Rama publikon pamje me mbeturina nga Zvërneci: Kjo është parajsa që duan të mbetet e paprekur
- 07:40 Humbje diplomatike për Gjermaninë në OKB, Berlini ngre dyshime për ndikimin rus
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut