“Ende asnjë akuzë për Berishën”, Balliu: Prokuroria s’ka gjetur asnjë provë

Deputeti demokrat Klevis Balliu tha në “Now me Erla Mëhillin” se ende nuk ka asnjë akuzë kundër ish-kryeministrit Berisha.

Sipas tij SPAK nuk ka asnjë akuzë për të pasi që të ketë akuzë, prokuroria duhet të sjellë prova, gjë që nuk e ka bërë sepse nuk i ka gjetur.

Sipas Balliut hetimet ndaj Berishës, janë hetime të porositura, të cilat po e bëjnë SPAK që të dalë “blof”

“Është absurde që ky njeri që ka qenë ish kryeministër, ish president, deputet aktual dhe lider i opozitës. Sot nuk ka asnjë akuzë për të nga SPAK. Arsyeja pse nuk ka akuzë është se për të formuar një akuzë prokuroria ka nevojë për  prova, të cilat nuk i ka gjetur. Këta nuk kanë për çfarë ta pyesin Sali Berishën.

Nëse duan të dinë se ku e ka shtëpinë ai, ai del çdo natë, e di gjithë Shqipëria ku e ka shtëpinë, te “rruga e shpresës”. Nuk mund të nisesh meqë mua më kanë udhëzuar të të hetojë po të hetoj. Këta dalin “bllof me këtë pamje shumë të shëmtuar dhe të dhimbshme për ne”,-tha Klevis Balliu.

LEXONI GJITHASHTU:

• “McGonigal”/ Kikia: Prokuroria s’mund hetojë për dosje të ngritura në vende të huaja
• Pse u acarua Berisha brenda SPAK? Gazetari tregon çfarë ndodhi