“21 vjeç u paralizova në ushtri, nuk u ngrita kurrë më”-flet Bajram Tirana

Bajram Tirana, kryetar i shoqatës së invalidëve  tregoi historinë e tij se si ngeli në karrige me rrota në moshën 21-vjeçare.

Në një intervistë për emisionin “Good Morning Albanians” në Euronews Albania, ai theksoi se vite më parë kur ishte pjesë e ushtrisë u rrëzua dhe që prej asokohe nuk eci dot më.

Ai tregoi se oficerët nuk e besuan ndërkohë që një pjesë të fajit sipas tij e kishte dhe ndërhyrja e gabuar.

“Në Mamurras në stërvitje e sipër, në një kodrinë më rrëshqiti këmba dhe rashë nga mbrapa. Mora një dëmtim në shtyllë, por brenga ime dhe ajo që më rëndon shumë është se unë u ankova dhe oficerët e asaj kohe nuk besonin që unë kisha marrë një traumë, asokohe. Pasi ndenja tre ditë në shtrat më dërguan në spital të Laçit.

Unë asokohe njoftova familjarët e mi. Fatkeqësia ime ishte që unë shkova në Laç dhe nuk më pa asnjë mjek. Ata menduan se po i bëj bisht shkuarjes te Mali me Gropa. E mbaj mend si sot që kur jam rrëzuar më janë kryqëzuar këmbët dhe nuk u ngrita më kurrë. Kur shkova te spitali ushtarak ishte tepër vonë. Kam qenë jashtë dhe në momentin që kam treguar për ndërhyrjen që kam bërë ata smë kanë marrë përsipër”-tha ai.

LEXONI GJITHASHTU: 

• Kreu i Sindikatës ngre shqetësimin: 100 € është pensioni për policët e Kosovës
• Përmbysje e çmendur në “Elbasan Arena”, Teuta i “rrëmben” 3 pikë Dinamos