Romario Brunga, rreth 25 vjeç u gjet i pajetë, i qëlluar me armë zjarri brenda një automjeti në Lezhë mbrëmjen e së enjtes.
Ngjarja ndodhi Balldre, në rrugën e vjetër ku i riu u gjet brenda makinës i qëlluar me një plumb të vetëm.
Pistoleta është gjetur brenda automjetit pranë trupit të pajetë të të riut. Nisur nga rrethanat paraprake dyshohet se bëhet fjalë për një vetëvrasje.
Përmes një njoftimi policia zyrtar tha se 25-vjeçari është gjetur i pajetë brenda automjetit të tij.
“Nga veprimet e para të kryera në vendngjarje nga grupi hetimor, është gjetur brenda në automjet një armë zjarri, tip pistoletë, dhe një gëzhojë. Po nga veprimet e para, rezulton se automjeti nuk ka dëmtime të jashtme nga armë zjarri, ndërsa viktima ka vetëm një plagë të shkaktuar nga armë zjarri.
Grupi hetimor, nën drejtimin e Prokurorisë, vijon veprimet intensive në vendngjarje për zbardhjen e plotë të rrethanave dhe dokumentimin ligjor të ngjarjes, për të përcaktuar nëse kemi të bëjmë me vetëvrasje apo me vrasje”, bëri me dije policia.
LEXONI GJITHASHTU:
- EMRI| Gjendet i vrarë me armë zjarri brenda makinës i riu në Lezhë
- Mbante në banesë dhe makinë lëndë narkotike, arrestohet 32-vjeçari në Lezhë
