“3 fëmijë me fruth brenda familjes”-mjekja Tomini tregon si u infektuan

Mjekja epidemiologe, Eugena Tomini ishte mëngjesin e kësaj të enjte në “Good Morning Albanians” për të folur për fruthin, një sëmundje e cila ditët e fundit po prek fëmijët në Shqipëri.

Ajo tha se 6 nga të infektuarit kanë pasur lidhje familjare me njëri tjetrin, ndërsa theksoi se të gjithë ishin të pavaksinuar.

“Deri mbrëmjen e kaluar 6 persona të infektuar nga fruthi janë me lidhje familjare, janë kushërinjë. Kanë qenë të gjithë të pavaksinuar. Tre nga të infektuarit janë fëmijë të një familje.

Ne shpesh ndjekim njëri-tjetrin, nëse një nuk e vaksinon fëmijën, ty mund të transmetohet ajo bindje që nuk duhet ta vaksinosh. Të infektuarit janë të gjithë fëmijë nga mosha 1-13 fëmijë”,-tha doktoresha Tomini.

LEXONI GJITHASHTU:

• “Shqipëria s’e vuri ujin në zjarr për fruthin në 2018” – Mjeku tregon çfarë ndodhi
• Prindërit kundër vaksinës së fruthit për fëmijët në RMW, mjekët: Besojini shkencës