3 policët e arrestuar në Veri dalin sërish para gjykatës në Kralevë

Sekretari i Parë i Zyrës Ndërlidhëse të Kosovës në Beograd, Fatmir Haxholli, ka thënë të hënën se tre zyrtarët e Policisë së Kosovës, të arrestuar nga autoritetet e Serbisë më 14 qershor, do të dalin të hënën para një gjykate në Kralevë.

Atyre u është caktuar masa e paraburgimit më 16 qershor, por nuk dihet kohëzgjatja.

Prishtina pretendon se ata janë kidnapuar nga territori i Kosovës, derisa Beogradi deklaron se ata janë arrestuar në territorin serb.

“Çdo sekondë i humbur deri në kthimin e tyre në Republikën e Kosovës, në krye të detyrave, konstituon një impuls dhe sjellje joracionale, me qëllim kamuflimin e një akti bizar”, ka thënë Haxholli përmes një postimi në Facebook.

Sipas autoriteteve serbe, ata dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënimin deri në 12 vjet burg.

Komuniteti ndërkombëtar ka kërkuar lirimin e tyre pa kushte.

LEXONI GJITHASHTU:

• Abazoviç lavde Erdoganit: I vetmi që ul tensionet mes Kurtit e Vuçiç
• Vuçiç: Piku i tensioneve në Veri s’ka ardhur ende, Kurti do luftë