3 vendet më të pashkelura në Bulqizë

Qyteti i Bulqizës, me një popullsi prej rreth 31 mijë banorësh, ndodhet në qarkun e Dibrës. Emri i këtij qyteti lakohet shpesh për minierat e kromit, por Udhëtarët kanë vendosur të shkojnë përtej tyre dhe të zbulojnë disa prej sekreteve të ruajtura më mirë nga vendasit.

Zabeli i Madh

Në Bulqizë gjendet një pyll i quajtur Zabeli i Madh. E veçanta e tij ndodhet në faktin se është krejtësisht i paprekur dhe kjo falë një legjende e cila thotë se “ai që ka guxuar të presë dru në Zabel të Madh, nuk ka dalë dot gjallë prej tij”.

Liqenet e Dhoksit

Pas një ngjitje në rreth 1,600 metra mbi nivelin e detit, në mes të pishave e maleve ndodhen Liqenet e Dhoksit.

Ujëvara e Duriçit

Në shpatin verior të malit të Kaptinës, pranë qytetit të Bulqizës do të gjeni Ujëvarën e Duriçit, e cila buron nga Liqeni i Zi dhe ka një lartësi prej 20 metrash. Uji rrëmbyer i kësaj ujëvare bën që jehona e saj të dëgjohet me kilometra larg.

LEXONI GJITHASHTU

• “Udhëtarët” zbulojnë anën tjetër të Bulqizës, të pasur me natyrë dhe histori
• 6 vende që nuk duhet t’i humbisni në Dibër nëse ju pëlqejnë aventurat
• 5 pikat turistike që nuk duhet t’i humbisni gjatë vizitës suaj në Kukës