351 raste dhune në familje në 2022, 80 për qind e rasteve në qytet

351 raste të dhunës në familje janë shqyrtuar në gjykatën e Tiranës përgjatë vitit 2022.

Viktimat janë shpesh femra dhe dhunues partnerët e tyre.

Të dhënat zyrtare të gjykatës bëjnë me dije se 279 femra dhe 72 meshkuj janë dhunuar.

Në 50% të rasteve dhunues janë parterët intimë, por nuk mungojnë as rastet e dhunës nga fëmijët, të afërmit dhe persona të tjerë pa lidhje me njëri-tjetrin.

Ajo çfarë vihet re është se ky fenomen është më i përhapur në qendrat urbane.

Rastet e dhunës në qytet zënë 80% të totalit.

E kur flasim për moshën, shohim se shumica e rasteve i përkasin grupmoshës 26-35 vjeç, pasuar nga grupmosha  36-45 vjeç.

Nga të dhënat e Gjykatës së Tiranës bie në sy gjithashtu se gratë me arsim bazë përbëjnë dhe numrin më të madh të viktimave të dhunës në familje.

LEXONI GJITHASHTU:

• Kosova shënon Ditën e të Mbijetuarve të Dhunës seksuale
• BE: Të shqetësuar për përshkallëzimin e dhunës në Izrael, Palestin dhe Liban