“4 në 5 njerëz me tatuazhe”, Sejdi: Duhet test alergjie para procedurës

Tatuatori Olsi Sejdi tha në një intervistë për “Good morning Albanians” në Euronews Albania se 4 në 5 njerëz kanë tatuazhe.

“Në logjikë të drejtë duhet të ketë një lidhje shpirtërore, duhet të ketë një botëkuptim, por ka dhe nga ata që zgjedhin ta kenë vetëm për art apo për dekor. Nuk mund të përjashtohet as ky si opsion, por në pjesën dërmuese janë ata që i japin një kuptim, i japin një dedikim, një histori, një domethënie,” – u shpreh Sejdi.

Ai theksoi se para çdo tatuazhi duhet bërë një test alergjie. Sejdi sqaroi se dhe ata që kanë diabet të lartë, probleme me zemrën, gratë shtatzëna apo gratë që ushqejnë fëmijët me gji të paktën 6 muaj pas lindjes, nuk rekomandohet të bëjnë tatuazhe.

LEXONI GJITHASHTU:

• “Mos bëni tatuazhe mbi nishane”, mjeku: Rrezikoni sëmundje të rënda
• Toksikologu: Dikur kam pasur studio tatuazhesh, ka edhe bojëra të rrezikshme