“Mos bëni tatuazhe mbi nishane”, mjeku: Rrezikoni sëmundje të rënda

Mjeku toksikolog Andrin Tahiri tha në një intervistë për “Good morning Albanians” në Euronews Albania se nëse tatuazhet nuk bëhen në kushte higjiene rrezikohen sëmundje të rënda.

Ndër to ai përmendi Hiv Aids dhe hepatitin.

Tahiri theksoi gjithashtu se nuk duhen bërë tatuazhe mbi nishane, ndërsa solli në vëmendje se ata që duan të mbulojnë plagët nga operacionet duhet që të presin minimalisht 3 vite për të bërë një tatuazh mbi shenjë.

Tatuatori Olsi Sejdi nga ana tjetër tha se në Shqipëri tatuazhet trajtohen kryesisht si estetikë dhe nuk bëhen kontrolle sanitare për të garantuar sigurinë e procesit.

Tatuazhet janë një fiksim për shumë njerëz në mbarë botën, sikurse nga ana tjetër ka persona që janë skeptikë, kundër tyre ose nuk i pranojnë që t’i kenë në trup. Ka mjek që po ashtu kanë evidentuar problemet shëndetësore që mund të vijnë nga tatuazhet. Nga ana tjetër ka edhe fe që nuk i pranojnë tatuazhet sikurse është feja islame që i konsideron si “haram”.

Në një shkrim të publikuar së fundmi në “The Sun” thuhet se shkencëtarët shpjeguan se si trupi ynë reagon ndaj bojës së tatuazheve – dhe kur një infeksion i shkaktuar nga tatuazhet mund të jetë edhe vdekjeprurës. Çfarë ndodh me trupin tuaj kur ju bëni tatuazh? Sipas tyre kur një gjilpërë tatuazhi vulos një model në lëkurën tuaj, trupi e konsideron atë si një sulm.

LEXONI GJITHASHTU:

• Toksikologu: Dikur kam pasur studio tatuazhesh, ka edhe bojëra të rrezikshme
• “4 në 5 njerëz me tatuazhe”, Sejdi: Duhet test alergjie para procedurës