Toksikologu: Dikur kam pasur studio tatuazhesh, ka edhe bojëra të rrezikshme

Toksikologu Andrin Tahiri tha në një intervistë për “Good morning Albanians” në Euronews Albania se vetë ai dikur ka pasur një studio tatuazhesh dhe ka edhe bojëra të rrezikshme.

“Në rininë time të hershme, kur kam qenë student mjekësie, kam qenë i pari që kam pasur një studio tatuazhi të mirëfilltë, prandaj jam pak tolerant, por lidhja me mjekësinë është shumë domethënëse,” – tregoi mjeku.

Sipas tij është e rëndësishme që para se të bëhet një tatuazh, të rinjtë të marrin informacionet e nevojshme për vendin ku do të bëjnë tatuazhin dhe kushtet e higjienës.

Tatuazhet janë një fiksim për shumë njerëz në mbarë botën, sikurse nga ana tjetër ka persona që janë skeptikë, kundër tyre ose nuk i pranojnë që t’i kenë në trup. Ka mjek që po ashtu kanë evidentuar problemet shëndetësore që mund të vijnë nga tatuazhet. Nga ana tjetër ka edhe fe që nuk i pranojnë tatuazhet sikurse është feja islame që i konsideron si “haram”.

LEXONI GJITHASHTU:

• “Mos bëni tatuazhe mbi nishane”, mjeku: Rrezikoni sëmundje të rënda
• “4 në 5 njerëz me tatuazhe”, Sejdi: Duhet test alergjie para procedurës