5 vjet SPAK, Manjani: Parlamenti duhet të monitoronte ecurinë e reformës në drejtësi

Struktura e Posaçme shqiptare kundër Korrupsionit dhe Krimit të Organizuar, SPAK shënoi sot 5 vjet nga nisja e veprimtarisë së saj. Duke komentuar këtë zhvillim Ylli Manjani tha në “NOW” me Erla Mëhillin se vlerësimin dhe punën e SPAK duhet ta bëj parlamenti jo prokurorët që punojnë aty.

Sipas tij deputetët sa bëjnë debate në sallën e parlamentit do të duhet të ishin në krye të punës për të monituaruar punën e inistucioneve të drejtësisë.

“Jemi në fund të tetë viteve nga miratimi i reformës në drejtësi dhe 5 vjet që ka funksionuar kjo strukturë SPAK-u dhe GJKKO-ja. Në çdo sistem normal dhe Republikë normale, shoqëri normale kur kalon një periudhe e tillë insitucionet e rëndësishme duke filluar me parlamentin bëjnë një analizë dhe vlerësim të gjithë situatës çfarë kemi arritur dhe ku kemi dështuar me reformën në drejtësi. Kjo është detyra numër 1 që duhet të kishte filluar të bëhej nga parlamenti dhe jo nga Altin Dumani. Dumani është prokuror që zbaton ligjet dhe këtu mbyllet kapitulli, vlerësimin e punës së tij nuk e bën ai por e vlerëson Parlamenti i Shqipërisë dhe ky parlament po të ishte në krye të detyrës nuk do ishte duke bërë debat Muli me Agronin por do të ishte në krye të një procesi vlerësues, konstatues, monitorues të reformës në drejtësi, tha Ylli Manjani.

LEXONI GJITHASHTU:

• Manjani për sherrin Shehaj-Noka-Mziu: “Ishte kurth”, sot e hëngri Muli…
• Mbrojtja e të dhënave personale, Manja: Sanksionet shkojnë deri në 10 milionë euro