“6 prokurorë në një zyrë”, kreu i KLP: Ja si do zgjidhet çështja e ambienteve

Alfred Balla, kreu i Këshillit të Lartë të Prokurorisë, në një intervistë ekskluzive për Euronews Albania tha se shqetësimi i ngritur nga drejtuesi i Prokurorisë Posaçme Altin Dumani, se prokurorët nuk kanë ambiente për të punuar, është i drejtë.

“6 prokurorë qëndrojnë në një zyrë, në momentin që dikush duhet të marrë në pyetje dikë, 5 të  tjerë duhet të largohen”, është shprehur më herët Dumani.

I pyetur për këtë çështje kreu i KLP Alfred Balla tha se çështja e ambientit falë bashkëpunimit me Ministrinë e Drejtësisë dhe me Bashkinë e Tiranës do të zgjidhet shumë shpejt.

“Në fakt këshilli në bashkëpunim me Ministrinë e Drejtësisë dhe me Bashkinë e Tiranës i ka dhënë zgjidhje këtij problemi. Shumë shpejt ne do vëmë në dispozicion të Byrosë Kombëtare të Hetimit ambientet e reja që ndodhen përballë zyrave të SPAK. ato kishin një destinacion tjetër por qeveria do i bëjë transferim kapital për strukturën e Posaçme. pastaj do i ndajnë vetë, qoftë Byroja Kombëtare e Hetimit, qoftë  Prokuroria e Posaçme, por përfundimisht do zgjidhet në mënyrë të plotë problematika me ambientin”,-tha për Euronews Albania kreu i KLP.

LEXONI GJITHASHTU:

• Të shkarkuarit që fituan në Strasburg, Balla: Qeveria të gjejë formën e rigjykimit
• Mbi 345 mln lekë, KQZ shpërndan fondet vjetore për partitë politike në vend
• Mbi 345 mln lekë, KQZ shpërndan fondet vjetore për partitë politike në vend