“70% e ligjeve të BE zbatohen në nivel vendor”, Ministri: Rëndësia e bashkive…

Në Komitetin Europian të Rajoneve gjatë një takimi është folur për bashkitë si edhe reformat në pushtetin vendor në Shqipëri. Në të njëjtën kohë, edhe për kontributin që pushteti lokal ka në kuadrin e procesit të integrimit europian.

Ministri për pushtetin vendor Arbjan Mazniku ka folur në lidhje me këtë çështje ku është shprehur se sfida e burimeve njerëzore është e madhe në të gjitha bashkitë e vendit.

Mes të tjerash ai theksoi se 70% e ligjeve të BE zbatohen në nivel vendor

‘Sfida e burimeve njerëzore është shumë e madhe por faktet kanë treguar që Përmeti ia ka dalë, Mati ia ka dalë padyshim që Shkodra Fieri e Elbasani mund të ia dalin. Duke filluar që nga qershori, pagat në bashki do të rriten për të qenë në nivele të ngjashme me ato që kanë institucionet e tjera qëndrore. Jemi të angazhuar  që të krijojmë mekanizma trajnimi të përhershme për stafet e bashkive për t’u aftësuar për punët që na presin. Ne duhet të afrohemi më shumë me BE, të kemi projekte që afrohen më shumë me ta. 70% e ligjeve të BE-së zbatohet në nivel vendor që do të thotë se negocimi ndodh në nivel qendror por zbatimi ndodh në nivel vendor. Bashkitë duhet të kenë një rol të rëndësishëm në këtë proces. Për këtë arsye dhe BE ka ngritur dy programe të rëndësishme”-tha ai.

LEXONI GJITHASHTU: 

• Zelensky: Ukraina po punon për përmirësimin e programit të dronëve
• Konventa e PL-së, Basha për Metën: Qeshëm me performancën e mjerueshme të tij