70% privat 30% publik, si pritet të bëhet ndarja e plazheve sezonin e ardhshëm

Vitin që vjen, në plazhe 70% do të jetë e zënë me shezlone dhe 30% do të jenë plazhe publike, për 1 km. Këto janë rregullat e reja për strukturat akomoduese. Megjithatë, këto masa kërkojnë një menaxhim më të mirë, sidomos në hapësirat publike.

“Kemi 10 vite që eksperimentojmë çdo vit mënyra të ndryshe, nuk kanë qenë te efekshme. Udhëzimi final duhet menduar dhe njëherë, sepse stacionet e plazhit kanë qenë menaxhuar nga pushteti lokal dhe ka dështuar. Në rast se kemi plazhe publike, duhet menaxhim perfekt, që kërkon tualete, dushe, çadra”, thotë Zak Topuzi, kreu i Shoqatës së Hoteleri-Turizmit.

Me rregulloren e re prioritet kanë dhe hotelet që janë në vijë të dytë, ose në afërsi. Subjektet duhet të përmbushin disa kushte, ku kryesorja të jenë të regjistruara dhe të kategorizuara.

Aplikimet do të bëhen në e-albania dhe gjithçka do të jetë në bashkëpunim me njësitë vendore të cilat do të kenë edhe hartat specifike të hapësirave të disponueshme.

Plazhet ku ndërkohë nuk ka struktura akomoduese në masë siç janë Divjaka dhe Fieri sipas rregullores do të kalojnë me stacione plazhi për bar-restorantet duke vendosur kushte për këta të fundit.

Plazhet janë të ndara në 4 kategori, A, B, AB dhe C, në bazë të tipologjive të tyre.

LEXONI GJITHASHTU:

• Siguria në plazhe| Bllokohen 35 mjete lundruese, gjobiten drejtuesit e mjeteve
• Ekspertja: Nuk ka turistë në plazhe, por s’do të thotë se nuk kanë qytetet e tjera