Deri në 40 mijë lekë gjoba për mos ndërrimin e pronësisë së automjetit

Personat që nuk kanë bërë ndërrim të pronësisë së automjetit do të marrin gjoba “të rënda” nga Drejtoria e Transportit Rrugor (DPSHTRR).

Kështu njoftoi në emisionin Mirmëngjes, Blendi Gonxhja, drejtor i Përgjithshëm i DPSHTRR.

Gjoba që përcaktohet nga kodi rrugor nëse nuk bëhet azhurnimi i dokumenteve të mjetit, varion nga 10-40 mijë lekë.

“Për 3 muaj nga 30-tëshi i parë i gjobës është 10,000 lekë, dhe më kalimin e muajve shkon deri në 40,000”, u shpreh Gonxhja.

Procedurat për kalimin e pronësisë nga shitësi te blerësi janë lehtësuar.

Aktualisht në Shqipëri janë 803,000 automjete aktive, ndaj Gonxhja theksoi se duhet “të kuptojmë rëndësinë”.

“25% e taksave janë taksa posedimi, jo vetëm qarkullimi”, tha ai.

Shoferët që nuk paguajnë gjobat që kanë marrë për shkelje nga policia, do të përballen me sekuestrimin e makinës deri në shlyerjen e detyrimeve. Fillimisht u njoftua se do të përballeshin edhe me penalizime nga DRPRRSH, gjë që Gonxhja e mohoi.

LEXONI GJITHASHTU:

• Qytetarët pa alternativa transporti në ditën pa makina, thotë eksperti rrugor