Provimet e maturës nuk do të kenë tema të trajtuara në mësim online

Për të gjithë maturantët e këtij viti shkollor, Drejtoria e Qendrës së Shërbimeve Arsimore (QSHA) njoftoi të hënën se janë hequr temat e realizuara gjatë epidemisë së Covid-19.

Përmes një videokomunikimi drejtoresha e QSHA-së Rezana Vrapi theksoi se “është bërë publikimi i testeve të rishikuara ku janë hequr temat, të cilat janë bërë nga marsi e në vijim, pra në kushtet e të mësuarit online”.

Ndër të tjera, Drejtoresha e QSHA u shpreh gjithashtu se “kujdesi i çdo specialisti hartues-testi në QSHA-së është që të bazohet në programin e rishikuar. Prandaj, gjithçka që po bëjnë maturantët në këtë fazë është që të përsërisin pikërisht temat, të cilat janë publikuar në programet e rishikuara”.

Për t’u njohur me programet orientuese të maturës shtetërore kliko këtu. Ndërkohë çdo ditë nga ora 13:30 në Televizionin Publik Shqiptar do të transmetohen video me ushtrime të zgjidhura, të cilat mund të aksesohen gjithashtu në platformën akademi.al.

Lexoni gjithashtu:

Ministria vendos afatin, maturantët do të kryejnë provimet brenda qershorit

Koalicioni Global për Arsimin udhëzon shtetet për rihapje të sigurt të shkollave

Shahini: Nuk ka mbrëmje mature këtë vit, kthimi i maturantëve në shkollë jo i detyrueshëm