Zelensky akuzon Rusinë për sulm të qëllimshëm në termocentralin bërthamor

Presidenti ukrainas Volodymyr Zelensky akuzoi Rusinë për gjuajtje të qëllimshme në termocentralin bërthamor të Zaporizhzhia.

Autoritetet ukrainase thonë se termocentrali nuk ka pësuar ndonjë dëmtim kritik dhe se nivelet e rrezatimit janë aktualisht normale, megjithëse zjarrfikësit vazhdojnë të luftojnë me flakët.

“Ata e dinë se për çfarë po qëllojnë. Ata janë përgatitur për këtë (sulm),” tha Zelensky në një postim në Twitter.

Zelensky gjithashtu iu referua tragjedisë së Çernobilit.

Për të gjithë ukrainasit, për të gjithë evropianët, për të gjithë njerëzit që e dinë fjalën “Çernobil”, e dinë sa viktima ka pasur, tha ai.

Ai gjithashtu po bëri thirrje për ndihmë urgjente në orët e para të mëngjesit të 4 marsit, derisa paralajmëroi për një fatkeqësi të mundshme bërthamore.

“Evropianë, ju lutemi zgjohuni!” u lut ai.

LEXONI GJITHASHTU: 

• Përditësime LIVE 4 mars: Zjarr në centralin më të madh bërthamor në Europë