Raportohet për situatë të tensionuar pranë centralit bërthamor

Kryetari i qytetit ku ndodhet termocentrali bërthamor i Zaporizhzhya thotë se situata është “jashtëzakonisht e tensionuar”.

Dmytro Orlov, kryebashkiaku i qytetit Enerhodar, ku ndodhet termocentrali bërthamor i Zaporizhzhia, tha të premten se qyteti aktualisht nuk ka ngrohje për shkak të dëmtimit nga granatimet.

“Për shkak të dëmtimit të rrjetit të ngrohjes gjatë bombardimeve gjatë natës, Enerhodar nuk ka ngrohje. Aktualisht jemi duke punuar në restaurimin e tij”, tha ai.

Orlov tha se ata që kaluan natën në strehimore mund të kthehen në shtëpi, por rekomandoi që të shmangin kalimin e kohës jashtë për shkak të “situatës jashtëzakonisht të tensionuar”.

Sa i përket situatës në vetë qytetin, tashmë rrugët janë të qeta.

“Ata që kanë qëndruar natën në strehimore mund të ktheheni në shtëpi. Megjithatë për shkak të situatës tepër të tensionuar aty pranë ju rekomandojmë të kaloni më pak kohë jashtë dhe qëndroni në shtëpi”, tha Orlov në faqen e tij zyrtare në Facebook, raporton CNN.

LEXONI GJITHASHTU: 

• Përditësime LIVE 4 mars: Rusia merr kontrollin e centralit bërthamor