Paguani me rubla ose do t’i japim fund kontratave të gazit, kërcënon Putin

Presidenti Vladimir Putin paralajmëroi se kontratat e shitjes së gazit rus do të ndërpriten nëse pagesat nuk bëhen në rubla.

Deklarata u bë pas nënshkrimit të një dekreti që thotë se blerësit e huaj duhet të paguajnë me rubla për gazin rus duke nisur nga e premtja, raporton BBC.

Pas vendosjes së sanksioneve të reja nga Perëndimi, Putin tha se lufta ekonomike kundër Rusisë ka filluar vite më parë.

Fuqi të mëdha ekonomike si Gjermania dhe Italia mbështeten te gazi rus për nevoja të konsiderueshme energjetike.

Qeveria e Ukrainës ka thënë se kjo varësi ka ndaluar disa vende të BE-së të ofrojnë nivelin e duhur të mbështetjes për të luftuar ndaj pushtimit rus.

LEXONI GJITHASHTU:

• Me Putinin në pushtet nuk ka paqe në Evropë, thotë ish-komandanti i NATO-s
• Putini po mashtrohet nga këshilltarët e frikësuar, thotë SHBA