Berisha: Kongresi i PS-së, për fshehjen e aferës së inceneratorëve

Ish-kryeministri Sali Berisha e konsideron Kongresin e Partisë Socialiste që u zhvillua disa ditë më parë, si kongresin e një mafie shtetërore, qëllimi i së cilës ishte fshehja e aferës së inceneratorëve.

“Gjithçka në Kongres u bë me retorikë që të mbuloheshin flakët e inceneratorëve, aferë nga Edi Rama dhe organizata kriminale e tij”, tha Berisha.

Gjatë një deklarate për mediat, Berisha u shpreh se shqiptarët prisnin nga qeveria zgjidhje për rritjen e çmimeve, por në fakt vendosi legalizimin e kanabisit.

“Kongresi i PS-së i ngjante kongresit të një mafieje shtetërore, ose të Cosa Nostra-s. Shqiptarët të cilët prisnin me padurim të dëgjonin nga qeveritarët, se si do u lehtësohen dhimbjet e mëdha që krijoi rritja e çmimeve, por, nuk morën asnjë përgjigje”, u shpreh ai.

LEXONI GJITHASHTU

• Berisha: Legalizimi i kanabisit, akt antikombëtar i Edi Ramës