‘Butrinti nuk tjetërsohet’, debate mes Spahos dhe Margaritit në komision

Komisioni për Ekonominë dhe Financat është përfshirë në debate gjatë mbledhjes së sotme, në lidhje me menaxhimin e Parkut Kombëtar të Butrintit.

Deputeti i Partisë Demokratike, Edmond Spaho ka kritikuar ministren e Kulturës Elva Margariti për procedurat e ndjekura, për administrimin e Butrintit nga një fondacion privat.

Sipas Spahos, qeveria duhet të jape shpjegime se përse duhet një fondacion privat kur asministrimin mund ta kryejë edhe vetë shteti.

Nga ana tjetër, ministrja Margariti është shprehur se Parku Kombëtar i Butrintit është pronë shtetërore dhe nuk do të tjetërsohet.

Ajo tha gjithashtu se nuk ka asgjë abuzive dhe se do të jetë kryetarja e bordit të fondacionit.

Pjesë nga debati

Edmond Spaho: “Është nje skemë që ndryshon tërësisht nga modelet që ndryshojnë në botë dhe kërkojnë që shteti të jetë thellësisht i përfshirë. Para se të arrijmë te marrveshja e re ju duhet të jepni shpjegime pse ne Butrint duhet të hyjnë një fondacion privat për ta menaxhuar.”

Elva Margariti: Prona nuk tjetërsohet. Nuk ka asgjë abuzive në këtë skemë. Unë do të jem kryetarja e bordit, do ta menaxhojme vetë.

LEXONI GJITHASHTU

• ‘Butrinti’, Tare: Në SHBA po verifikohet nëse AADF ka shkelur ligjet
• Firmosi për ‘Butrintin’, drejtoresha e Arkeologjisë refuzon të përgjigjet