Biden firmos ligjin që lehtëson eksportin e pajisjeve ushtarake në Ukrainë

Presidenti i SHBA-së, Joe Biden nënshkroi një ligj që e bën më të lehtë eksportin e pajisjeve ushtarake në Ukrainë, duke ringjallur “Aktin e huadhënies” që ndihmoi në mposhtjen e Hitlerit gjatë Luftës së Dytë Botërore.

Ndër dispozitat e tjera, ky ligj lejon Shtetet e Bashkuara të Amerikës të ofrojnë pajisje për Ukrainën vetëm me një kërkesë teknike që Kievi ta paguajë më vonë.

Joe Biden, presidenti i SHBA-së ka njoftuar për nënshkrimin e një projekt-ligji i cili ofron mbështetjen për qeverinë e Ukrainës në luftën kundër Rusisë.

“Po nënshkruaj një projekt-ligj që ofron një mjet tjetër të rëndësishëm në përpjekjet tona për të mbështetur qeverinë e Ukrainës dhe popullin ukrainas në luftën e tyre për të mbrojtur vendin dhe demokracinë kundër luftës brutale të Putinit”, tha Biden.

President ii SHBA-së ka shtuar se lufta e rusisë po sjell shkatërrimin e Europës, dhe nënshkrimi i këtij projektligji është për një të ardhme të bazuar në Demokraci për paqe dhe të drejtat e njeriut.

“Lufta e Putin, edhe një herë, po sjell shkatërrim të pakujdesshëm në Europë. Do të nënshkruaj këtë projektligj me përkushtimin riafirmues për një të ardhme të bazuar në demokraci, të drejtat e njeriut dhe zgjidhje paqësore të mosmarrëveshjeve”, tha Biden.

Demokratët e Kongresit të SHBA ranë dakord edhe për një propozim tjetër, për të ofruar 39.8 miliardë dollarë ndihmë shtesë për Ukrainën, duke tejkaluar kërkesën e presidentit Joe Biden muajin e kaluar për 33 miliardë dollarë.

Dhoma e Përfaqësuesve pritet të votojë këtë plan.

LEXONI GJITHASHTU:

• Biden: Putin të gjykohet për krime lufte për mizoritë në Ukrainë