Armët e huaja tashmë në front, thotë zv. ministrja e mbrojtjes në Ukrainë

Zv. ministrja e Mbrojtjes në Ukrainë, Hanna Maliar, thotë se armët nga SHBA-ja dhe partnerët e tjerë tashmë janë vendosur në vijën e frontit në Kiev.

“Përveç Javelins dhe Stingers, obusët amerikanë 155 mm tashmë janë duke u përdorur në front,” – tha Maliar në një konferencë të mërkurën.

“Ne po punojmë për të përshpejtuar ritmin e ndihmës, pasi kjo është jeta e ushtarëve tanë,” – shtoi zv. Ministrja.

Një zyrtar i lartë i mbrojtjes amerikane u tha gazetarëve të martën se 89 nga 90 Hoëitzer që SHBA-ja ra dakord t’i jepte Ukrainës janë transferuar në posedim të Ukrainës.

Maliar tha se furnizimi me armë të huaja ishte kthyer në një rutinë, pavarësisht përpjekjeve ruse për të shkatërruar infrastrukturën e transportit.

“Ne kemi marrë tashmë një numër të madh armësh. Tani kemi hyrë në periudhën e furnizimit ritmik të armëve në Ukrainë,” – shtoi ajo.

LEXONI GJITHASHTU:

• Kuleba: Lufta do dukej ndryshe nëse Ukraina do armatosej më shpejt