Dyshime për dekonspirimin e operacionit ‘Plumbi i Artë’, AMP nis hetim

Agjencia e Mbikëqyrjes Policore po verifikon nëse ka pasur rrjedhje informacioni, gjatë operacionit “Golden Bullet” (Plumbi i Artë),  të zhvilluar nga SPAK dhe Policia e Shtetit për goditjen e 8 grupeve kriminale në vend një ditë më parë.

AMP thotë se do të hetojë me seriozitet nëse ka pasur dekonspirim gjatë operacionit për arrestimin e 32 personave, mes të cilëve dhe një punonjës policie.

Policia e Shtetit arriti të ekzekutonte vetëm 18 urdhra arresti, nga këta 9 ishin persona të cilët gjenden aktualisht në burg.

Ish-kryeministri Sali Berisha hodhi akuza për dekonspirim të operacionit duke thënë se ‘nga tetë bosët e shpallur në kërkim, vetëm një prej tyre u arrestua’.

Hetimet e SPAK erdhën mbi dëshminë e Nuredin Dumanit, i cili ka treguar krime të rënda të ndodhura vitet e fundit në Shqipëri.

Të paktën 12 ngjarje kriminale, vrasje dhe atentate të parealizuara janë zbardhur nga dëshmia e tij para prokurorëve të SPAK.

LEXONI GJITHASHTU:

• Dumani hap ‘kutinë e Pandorës’, cilat krime rrëfeu?
• Kush është Nuredin Dumani, ‘sipërmarrësi’ i vrasjeve me pagesë
• Nuredin Dumani tregon si u vra nëna që kërkonte drejtësi për të birin
• Berisha për operacionin e SPAK: “Bosët” ikën sapo morën lajmin