Elezi: Do ta njoh rezultatin e zgjedhjeve, por nuk do të toleroj shkeljet

Kandiati për kryetar të Partisë Demokratike, Ibsen Elezi deklaroi se do ta njohë rezultatin e zgjedhjeve të së dielës, por se nuk do të tolerojë shkeljet që mund të hasen në proces.

Deklaratën, Elezi e dha për mediat pasi votoi në selinë qendrore të partisë.

“Pas shpalljes së përfundimit, do ta njoh rezultatin por kurrsesi nuk do toleroj asnjë shkelje. Nëse do verifikohet që komisionarët nuk do jenë korrekt, jo se nuk dua unë ta toleroj por është e patolerueshme”, u shpreh Elezi.

Ish-drejtuesi i PD-së në Kukës i bëri thirrje komisionerëve që të numërohet çdo vote dhe të mos krijohen parregullsi gjatë procesit.

Elezi shtoi se demokratët duhet të vendosin për ide dhe jo për individë.

Në garë për kreun e PD-së është edhe ish-kryeministri Sali Berisha, i cili i cilësoi zgjedhjet e sotme si proces dhe mision historik jo vetëm për partinë , por edhe për Shqipërinë.

LEXONI GJITHASHTU

• Berisha voton në selinë e PD, sulmon procesin për presidentin: Antikushtetues
• Demokratët votojnë sot për kryetarin e ri të PD-së
• Zgjedhjet për kryetar të PD-së, demokratët iu drejtohen kutive të votimit