Vrasja e policit, eksperti: Më kujtoi ngjarjen e ’99 ku u përfshi Fatmir Haklaj

Eksperti i kriminalistikës, Artan Rexhepi thotë se ngjarja e ndodhur në të hënën në komisariatin nr. 3, ngjason me vrasjen e ndodhur në 1997 në Komisariatin e Tropojës nga Fatmir Haklaj.

Sipas tij, ngjarja është shumë e rëndë në planin moral por edhe në aspektin e kushteve të sigurisë dhe kualifikimeve që duhet të kenë efektivët.

“Nga kjo kuptohet se sa dobët janë nga testi psikik kuadrot që rekrutohen. Personi përgjegjës që e ka rekrutuar (autorin) duhet të vihet para përgjegjësisë”, tha Rexhepi.

Eksperti i kriminalistikës u shpreh gjithashtu se bie në sy edhe mungesa e reagimit të kolegëve në momentin e ngjarjes.

Eksperti shtoi se të gjithë personat që rekrutohen në Policinë e Shtetit duhet të kalojnë testin e zemërimit.

Rexhepi tha se edhe në përballjet e zakonshme me qytetarët punonjësit e policisë tregojnë një mungesë të thekuar etike dhe u mungon gjakftohtësia.

LEXONI GJITHASHTU:

Ekskluzive| Momenti kur efektivi qëllon për vdekje kolegun brenda komisariatit