Investimet strategjike, Balla: Nuk ka fakte dhe indicie në kërkesën e PD

Kreu i Grupit Parlamentar të PS-së, Taulant Balla deklaroi se Konferenca e Kryetarëve rrëzoi kërkesën e opozitës për ngritjen e Komisionit Hetimor për Investimet Strategjike, pasi nuk ishte në përputhje me parimet se drejtës.

Balla nënvizoi se nuk ka fakte dhe indicie nga PD që të iniciojnë ngritjen e një Komisioni Hetimor dhe për këtë arsye është rrëzuar.

Ai u shpreh se në seancën parlamentare të radhës do të sqarojë me detaje arsyet pse nuk u votua.

“Konferenca e Kryetarëve nuk mbështeti Konferencën. Kjo kërkesë është konsideruar si jo në përputhje me parimet e së drejtës dhe me atë të një sërë vendimesh të Gjykatës Kushtetuese. Konferenca e Kryetarëve nuk bën interpretim kushtetues, e bën Gjykata Kushtetuese, por gjykata kushtetutuese është shprehur me disa vendime dhe në frymën e atyre vendime është marrë kjo vendimmarrje”, u shpreh Balla.

35 deputetë demokratë depozituan për herë të tretë në Kuvend kërkesën për ngritjen e komisionit hetimor për të verifikuar zbatimin e ligjit për investimet strategjike.

Deputetët e opozitës kërkuan verifikimin e procedurave të ndjekura nga qeveria për dhënien e statusit investitor strategjik të një sërë kompanish.

LEXONI GJITHASHTU:

• 35 deputetë të PD rikërkojnë komision hetimor për investimet strategjike
• ‘Delta’ merr 242 mijë m2 tokë shtetërore në Dhërmi si investitor strategjik