Pendarovski: Propozimi francez, kalimtar për të nisur hapjen e negociatave

Presidenti i Maqedonisë së Veriut, Stevo Pendarovski deklaroi pas mbledhjes së Këshillit të Sigurisë Kombëtare, se propozimi i ri francez për zgjidhjen e kontestit me Bullgarinë është i pranueshëm.

Kjo sipas tij, pasi bëhet fjalë për një kompromis kalimtar, për të nisur bisedimet e anëtarësimit me Bashkimin Evropian, shkruan MKD.

“Vendimi për të pranuar propozimin francez nuk do të jetë as një triumf historik, siç thonë disa. Për mua ai është i pranueshëm.

Për ta sqaruar, bëhet fjalë për një kompromis kalimtar në një nga fazat e integrimit europian të vendit. Me pranimin e këtij propozimi, ne heqim bllokadën bullgare dhe lejojmë hapjen formale të negociatave u shpreh ai.

Pendarovski beson se me propozimin e modifikuar francez nuk rrezikohen çështjet që kanë të bëjnë me identitetin maqedonas dhe se nuk mund të bëhet fjalë për bullgarizimin e maqedonasv.

Përmes propozimit francez synohet tejkalimi i dallimeve që ka Maqedonia e Veriut me Bullgarinë dhe zhbllokimi i fillimit të bisedimeve për anëtarësim në familjen evropiane.

LEXONI GJITHASHTU

• Mblidhet Këshilli i Sigurisë në RMV, shqyrtohet propozimi francez
• Propozimi francez, qeveria e RMV do konsultohet me Kuvendin, opozita skeptike
• Propozimi i Macron për zgjidhjen e krizës Bullgari-RMV, reagon Michel