Blinken takohet me Zonjën e Parë të Ukrainës Olena Zelenska

Zonja e parë e Ukrainës, Olena Zelenska, u takua me Sekretarin Amerikan të Shtetit Antony Blinken të hënën, si pjesë e udhëtimit të saj të profilit të lartë në Shtetet e Bashkuara, ku do t’u drejtohet anëtarëve të Kongresit.

Zëdhënësi i Departamentit të Shtetit Ned Price tha në një deklaratë se Blinken theksoi “angazhimin e SHBA-së për të mbështetur fitoren e Ukrainës” gjatë takimit të tij me Zelenskën.

Blinken dhe Zelenska folën gjithashtu për kostot e mëdha dhe në rritje njerëzore të pushtimit rus.

Price tha se Blinken kishte përsëritur se SHBA do të vazhdojë të ndihmojë Ukrainën t’i përgjigjet sfidave të rëndësishme ekonomike dhe humanitare me të cilat përballet.

Të martën, zonja e parë e SHBA-së Jill Biden do të presë homologen e saj ukrainase në Shtëpinë e Bardhë, sipas një njoftimi nga Krahu Lindor.

Biden dhe Zelenska u takuan për herë të parë personalisht në maj, kur zonja e parë e SHBA-së vizitoi Ukrainën.

Zonjat e para kishin qenë në komunikim përpara takimit të tyre të mbyllur një-orësh, gjatë të cilit Zelenska ndau me Biden shqetësimet e saj për shëndetin emocional të fëmijëve ukrainas.

LEXONI GJITHASHTU:

• Zelenski për sulmin në Odesa: Terror, bilanci i viktimave po rëndohet