“MIK Korça” nis edicionin e 5-të, të pranishëm emra të njohur të muzikës

Festivali Ndërkombëtar ‘MIK KORÇA’ do të sjellë përsëri vlera muzikore dhe interpretive, zëra të njohur të muzikës shqiptare dhe të huaj, instrumentistë dhe kërcime.

Në edicionin e tij të pestë, ky festival pritet të kënaqë artdashësit korçarë, por të tërheqë dhe me dhjetëra turistë.

“Ka qenë ideja e të madhes Inva Mula dhe ne do të vazhdojmë ta mbështesim sepse në Korçë vijnë artistë nga e gjithë bota, vijnë artistë shqiptarë që kanë performuar në skenat e botës, kanë bërë emër dhe çojnë emrin e Korçës dhe Shqipërisë në botë. Në datën 29,30,31 Korrik unë i ftoj të gjithë të jenë në Korçë sepse përveç artistëve ne do të kemi një natë me balet, kemi të ftuar Ilir Shaqirin. Gjithashtu në 31 shkojmë në Prespë ku rezervojmë surpriza me veprat e trashëgimisë kulturore”, shprehet Zamira Kita.

Mik Festival do të sjellë sopranon e njohur Emilie Rose Bry, shqiptaren Elina Duni e artistë të tjerë me emër.

LEXONI GJITHASHTU:

• Bebet nuk duhet të lahen në det
• Çfarë është VPN – dhe si mund t’ju ruaj ndaj sulmeve kibernetike?
• NFT, e ardhmja e internetit apo mënyra më e re për të pastruar para?