Meta nis aksionin politik me kritika ndaj LSI: Nga sot do punojmë në 3 drejtime

Revolucioni antikorrupsion do të jetë diviza e parë e Partisë së Lirisë. Kështu u shpreh kryetari i saj Ilir Meta, i cili thirri të mërkurën mbledhjen e komitetit organizativ të partisë duke nisur kështu aksionin politik.

Meta tha se nga sot Partia e Lirisë do ecë në tre drejtime.

Revolucioni antikorrupsion, organizimi i partisë duke u hapur dhe përgatitja për qeverisjen e vendit do të jenë tri shtyllat e punës së Partisë së Lirisë, tha Meta, teksa e vuri theksin tek lufta kundër korrupsionit si më emergjente.

Teksa e cilësoi kryeministrin Edi Rama hajdutin më të madh të vendit, ish-presidenti nuk i kurseu kritikat edhe ndaj ish-partisë së tij të vjetër, LSI, që siç tha, e braktisi atë dhe popullin duke djegur mandatet.

“Nuk kemi kohë se nuk ka kohë Shqipëria. Ilir Meta nuk vë baste, bën betim. A bëri betim në Kushtetutë? Dhe Ilir Meta e ka mbrojtur Presidencën si institucionin më të rëndësishëm në vend. Të gjithë kundër i pati, edhe ju, se i dhatë besën Lulushit duke braktisur mandatet e popullit”, tha ish-presidenti.

LEXONI GJITHASHTU:

• A u pyetën anëtarët e LSI për emrin e ri të partisë, përgjigjet Meta
• ‘S’do bojkotojmë asgjë’, Meta: Qeveria do iki me protesta dhe zgjedhje