Roland Bejko: Pa Grupin Parlamentar, Berisha mbetet jashtë politikës

Për anëtarin e Këshillit Kombëtar të Partisë Demokratike, Roland Bejko, kryedemokrati Sali Berisha mbetet jashtë politikës nëse nuk ka Grupin Parlamentar.

Në një intervistë për “Euronews Albania”, Bejko nënvizoi se nëse Berishës i del kundra, ai të përjashton dhe më pas të anatemon.

“Berisha e ka kuptuar që pa Grupin Parlamentar është jashtë politikës, në rrugë. Opozita ka disa detyra kushtetuese që duhet t’i realizojë brenda parlamentit. PD-ja është në duart e Berishizmit. Berishizmi është një mënyrë e kamufluar e punizmit e cila sundon brenda një partie politike.

PD-ja vazhdon të drejtohet nga punizimi i përfaqësuar nga zoti Berisha. Berishës po i dole kundra të përjashton, kur të përjashton të anatemon. Të vë etiketa, je bashkëpunëtor i kundërshtarit politik, i shitur. Evidenton armiqtë, me qëllim që të mbajë pjesën e militantëve”, theksoi ai.

LEXONI GJITHASHTU

• Berisha s’mund të zgjedhë Kryetarin e Grupit Parlamentar, thotë Bejko
• Roland Bejko: Sali Berisha lejoi që të futeshin ish-sigurimsa në politikë