Në burg se donte vajzën e ambasadorit, Tushe: 8 vjet dënim si agjent i huaj

Ernest Tushe, ish-i përndjekur politik tregoi momentin kur u arrestua, sepse kishte nisur një romancë me vajzën e ambasadorit italian në Shqipëri në atë kohë.

“Isha duke dalë nga dyert e ambasadës dhe pasi eca pak, më thirrën, isha me biçikletë. Më çuan direkt te 313-ta, në zyrat e hetuesisë. Akuzën e kisha shumë të rëndë,” – tregoi ai, ndërsa shpjegoi se mbi të rëndonte vepra penale e spiunazhit, por me shumë agjentura.

Arsyeja ishte sepse përveç të dashurës së tij, vajzës së ambasadorit, Tushe takonte dhe moshatarë të tjerë të ambasadave të tjera, sepse ishin miq.

Më dënuan 8 vjet dhe më çuan në Spaç, tha ai.

“Kur shkova në Spaç gjeta shumë të rinj, gjeta shokë, u bëmë shokë aty. Siç duket ata që ishin në burg u vjetruan dhe nuk punon dot, ishte punë e rëndë, atëherë çfarë u bë? U bë kjo që filluan në çdo moment arrestonin të rinj,” – tregoi Tushe.

LEXONI GJITHASHTU:

• U burgos për dashurinë e ndaluar, Ernest Tushe: Të hapet çdo dosje pa përjashtim
• Si u dashurua me vajzën e ambasadorit, ish-i dënuari rrëfen historinë: Është në film