Çmimet e ushqimeve në rënie, FAO: 8% më shtrenjtë se në 2021, prodhimi do bjerë

Çmimet globale të ushqimit u ulën për të pestin muaj radhazi në gusht. Megjithatë në raport me vitin e kaluar, ato janë 7.9% më ta larta, deklaron Organizata e Kombeve të Bashkuara për Ushqimin dhe Bujqësinë.

Çmimet globale të ushqimeve janë ulur në gusht. Në raportin mujor që nxjerr Organizata e Kombeve të Bashkuara për Ushqimin dhe Bujqësinë, ulja u regjistrua për të pestin muaj radhazi në gusht. Në raport me korrikun, ulja e çmimit të produkteve bazë ishte 1.9%.

Kështu drithërat ranë me 1.4%, ndikuar nga prodhimi në SHBA dhe hapja e porteve në Ukrainë.

Vaji u ul me 3.3%, për shkak të taksave më të ulëta të eksportit, ndërsa sheqeri u kuotua më lirë,  kryesisht nga niveli i lartë i eksporteve në Indi dhe çmimet më të ulëta të etanolit në Brazil.

Edhe mishi regjistroi rënie me 1.5% nga korriku, për shkak të disponueshmërisë së eksporteve globale, dhe kërkesës së ulët në disa vende eksportuese.

Me gjithë trendin në rënie, çmimet globale të ushqimeve janë 7.9% më të shtrenjta se vitin e kaluar, ndërsa FAO pret që prodhimi i drithërave të ulet në vazhdim.

LEXONI GJITHASHTU:

• Çfarë të konsumojmë në verë? Ushqimet që këshillojnë nutricionistët
• Inflacioni arrin tjetër rekord historik, ushqimet u rritën me 12.6%