BE konfirmon për Euronews Albania vizitën e Lajçak në Kosovë e Serbi | 5 zhvillime

• Bërnabiç: S’ka marrëveshje të dytë për normalizim pa krijimin e Asosacionit

Kryeministrja e Serbisë, Ana Bërnabiç ka kushtëzuar marrëveshjen Kosovë–Serbi me themelimin e Asociacionit të komunave serbe.

Teksa po qëndron në veri të Kosovës, Bërnabiç është shprehur se nuk ka biseda për marrëveshje të dytë për normalizim, nëse nuk formohet Asosacioni.

Bërnabiç deklaroi se Kosova duhet të angazhohet më shumë në dialog, pasi sipas saj, Serbia mbetet e përkushtuar për një gjë të tillë.

Lexoni për më shumë: Bërnabiç: S’ka marrëveshje të dytë për normalizim pa krijimin e Asosacionit

• 27 ditë pa gjurmë, Durrësi e Vlora qytetet nga ku mund të jetë zhdukur Vis Martinaj

Ervis Martinaj ka 27 ditë që është zhdukur duke lënë pas shumë mister. Zyrtarisht prokuroria e Kurbinit ka regjistruar një hetim për rrëmbim pas kallëzimit të bërë nga familjarët e tij.

Por për shkak se ai nuk është bërë i gjallë prej 10 gushtit është ngritur dyshimi se ai mund të jetë ekzekutuar.

Kundërshtarët janë të shumta dhe vdekjen e tij e duan disa grupe kriminale rivale ndër vite të Ervis Martinaj.

Lexoni për më shumë: 27 ditë pa gjurmë, Durrësi e Vlora qytetet nga ku mund të jetë zhdukur Vis Martinaj

• Sveçla: Pas 31 tetorit, asnjë veturë me targa ilegale s’mund të qarkullojë në Kosovë

Ministri i Punëve të Brendshme të Koaovës, Xhelal Sveçla tha se procesi i ndërrimit të targave ilegale në ato RKS është i pandalshëm.

Në një deklaratë për mediat, Sveçla theksoi se pas datës 31 tetor, asnjë veturë me targat ilegale nuk do të mund të lëvizë në Kosovë dhe pikë-kalimet kufitare.

Ai u shpreh se të gjitha qendrat janë të hapura për shndërrimin e targave në RKS.

Lexoni për më shumë: Sveçla: Pas 31 tetorit, asnjë veturë me targa ilegale s’mund të qarkullojë në Kosovë