‘Vendim sovran në konsultim me partnerët’, Balla për dëbimin e iranianëve

Kryetari i grupit parlamentar të Partisë Socialiste, Taulant Balla tha se dëbimi i diplomatëve iranian është vendimi më i rëndësishëm që është marrë ndonjëherë nga një qeverie shqiptare në aspektin e sigurisë.

Në fjalën e tij nga foltorja e Kuvendit, Balla kritikoi opozitën që nuk mbështeti zyrtarisht qeverinë në këtë vendimmarrje, që siç tha ishte e vështirë por e argumentuar dhe e mbështetur ne fakte.

Ai theksoi se kur vjen puna te çështje të rëndësishme kombëtare politika duhet të jetë e bashkuar.

“E bëri Alibeaj duke thënë se u mor ky vendimi, me tre fjalë, ndërkohë që kjo gjë është çështja që sot merr vëmendjen e të gjitha mediave. Është një vendimmarrje sovrane e konsultuar me parterët strategjikë që reaguan menjëherë sapo Shqipëria u bë objektiv i një sulmi kibernetik”, tha Balla.

Ambasada iraniane u boshatis sot pas ultimatumit të dhënë një ditë më parë nga kryeministri Edi Rama që i la 24 orë stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.

Rama deklaroi se ky vendim i Këshillit të Ministrave, vjen pas u zbulua se pas sulmit kibernetik të 15 korrikut, qëndron Republika Islamike e Iranit.

LEXONI GJITHASHTU:

• Punonjësit e ambasadës iraniane s’do largohen nga vendi me ‘charter’
• FOTO/ Momenti kur forcat RENEA mësyjnë në ambasadën iraniane