Balla shpjegon pse u tërhoq PS nga ligji për “non gratat”

Kreu i Grupit Parlamentar i PS, Taulant Balla, ka shpjeguar se përse Partia Socialiste u tërhoq nga ligji për ‘non gratën”.

I ftuar në emisionin “Now” në Euronews Albania, Balla tha se është një çështje që duhet të vlerësohet në aspektin e përmbajtjes sipas Kushtetutës.

“Është një diskutim që është bërë para dy vitesh. Propozimi i parë konkret ka ardhur nga Oerd Bylykbashi, diku nga janari i vitit 2021, që lidhej me rastin e një deputeti tjetër të Kuvendit të Shqipërisë në atë kohë. Që në atë kohë përgjigja ime ka qenë që kjo çështje të vlerësohet në aspektin e përmbajtjes në marrëdhënie me Kushtetutën.

Kemi një mundësi që në formularin e dekriminalizimit të deklarohet që je i shpallur “non nrata” nga një shtet. Një është humbja e menjëhershme e mandatit. Kur kemi dakordësuar të ashtquajturin dekriminalizim një pjesë e juristëve nuk ka qenë dakord. Unë për këtë çështje nuk jam tërhequr dhe nuk do të tërhiqem kurrë. Ekspertët thonë se kjo çështje ha diskutim”- u shpreh ai.

Erla Mëhilli: Keni frikë se mund të penalizohen dhe njerëz në radhët tuaja?

“Instrumenti që kanë zgjedhur SHBA, janë instrumente që rezultojnë të jenë efikas në identifikimin dhe drejtimin e gishtit drejt personave të caktuar”- theksoi Balla.

LEXONI GJITHASHTU: 

• Taulant Balla: Çfarë di për ‘non gratan’ e Sali Berishës nga Bashkimi Evropian
• Fyeu opozitën, Taulant Balla sqaron “shpërthimin” në parlament