Përnaska përplaset me Shehun: Ikni ju që të vijnë të rinjtë në PD

Ish-deputetja Lajla Përnaska ka reaguar ashpër ndaj deputetit të Partisë Demokratike, Tritan Shehu, në lidhje me drejtimin që ka aktualisht kjo forcë politike.

Të ftuar në emisionin “Good Morning Albanians” në “Euronews Albania”, Përnaska iu drejtua Shehut se PD-ja ka shansin historik, ndoshta edhe të fundit për të hapur listat e kandidatëve për deputetë dhe se duhet të ikin të vjetrit, për t’iu dhënë mundësi të rinjve.

Sipas saj, kjo do mundësonte që Partia Demokratike të rifitonte besimin te qytetarët, në të kundërt do krijohet një forcë e re e djathtë që mund ta realizojë këtë.

“Mendoj se do ishte shans historik dhe ndër të fundit për Partinë Demokratike, që të merrte iniciativë për të hapur garën elektorale dhe listat. Janë artificialë ata persona që janë aty; i kanë zgjedhur kryetarët për interesat e tyre personale. Po u hap gara, vjen vetë ndryshimi.

Gara, Tritan, gara në parti dhe parlament. Janë futur me pazare, kanë blerë mandate. Kryetarët ta heqin monopolin e listave. Keni shansin e fundit, ose do e bëni ju ose do dalë një forcë e re e djathtë, që do bëjë atë që ju nuk jeni të zotë ta bëni”, theksoi Përnaska.

Nga ana tjetër, Shehu deklaroi se është dakord me Përnaskën dhe se është kjo ajo që Partia Demokratike po përpiqet të bëjë.

“Jam absolutisht dakord. Këtë po përpiqemi të bëjmë”, u përgjigj ai.

LEXONI GJITHASHTU

• Përnaska: Partia Demokratike e ka humbur besimin me qytetarët
• Tritan Shehu: Jozefina Topalli mund të ishte një Giorgia Meloni
• Fitorja e Melonit, Tritan Shehu: Nuk shoh diferencë mes gruas dhe burrit në politikë