Zbulimi i arsenalit të armëve, Policia e Tiranës jep detaje

Policia e Tiranës ka dhënë detaje për sekuestrimin e një arsenali armësh në kryeqytet, një ditë më parë.

Aksioni është zhvilluar në zonën e “5 Majit”, ku policia gjeti pjesë armësh të ndryshme (kallashi, mitralozi të lehtë, mitralozi të rëndë, pushke), municione luftarake dhe pajisje optike ushtarake të futura në thasë.

Mësohet se disa persona, për shkak të presionit të Policisë, kishin transportuar dhe hedhur në një ambient të jashtëm armët.

Grupi hetimor, nën drejtimin e Prokurorisë pranë Gjykatës së Rrethit Gjyqësor Tiranë, vijon punën për identifikimin e poseduesve të armëve dhe dokumentimin e plotë të këtij rasti.

Provat materiale do dërgohen në Institutin e Policisë Shkencore për ekzaminim.

LEXONI GJITHASHTU:

• ‘Policia është kthyer në pulë’, Salianji-Çuçit: Martinajn e lajmëruat 5 minuta para
• Kosova pjesë e takimit të parë të Bashkësisë Politike Evropiane
• Petkoviç thirrje ndërkombëtarëve: Mbroni serbët në Kosovë