‘Bashkimi i PD’, po Meta? Kreu i PL: Aleancën e kam me qytetarët
Partia Demokratike ka dhënë sinjalet e para të bashkimit mes dy grupimeve në prag të zgjedhjeve lokale të 2023-shit për daljen me një kandidat të përbashkët. Por duket se ky fakt nuk e shqetëson Ilir Metën, aleatin e Sali Berishës në këtë aksion opozitar.
I pyetur nga Euronews Albania nëse një bashkim i mundshëm i PD-së do të minonte aleancën e tij me Sali Berishën, Ilir Meta tha se aleancën e ka me qytetarët.
“Së pari aleanca e Ilir Metës është me qytetarët e Shqipërisë. Për sa i takon problemeve të brendshme të PD jam përpjekur shumë herë t’i zgjidh në interes të vendit. Jam qenë unë që nuk kam lejuar ndarjen e PD në dy parti, pro dhe anti reformë, kam qenë unë që i kam nxjerrë nga çadra. Ne kemi raportin tonë me qytetarët e Shqipërisë, nuk kemi raport të pandryshueshëm për askënd tjetër”, tha Meta.
Meta iu shmang përgjigjes nëse do të mbështesë kandidatët e propozuar nga Enkelejd Alibeaj për vendoret e ardhshme, duke iu drejtuar qytetarëve me një ftesë për të ndëshkuar rilindjen.
“Do t’i ftojmë të gjithë shqiptarët, përfshirë edhe socialistët e ndershëm, të ndëshkojmë rilindjen, sekt i babëzitur që nuk njeh ligj”, u shpreh Meta.
Kreu i Partisë së Lirisë, qartësoi edhe një herë skenarin e aleancës me Berishën për zgjedhjet vendore të 2023-shit, me fushë-beteja të ndryshme; Berisha kryetarët dhe Meta këshilltarët e bashkive.
LEXONI GJITHASHTU:
“Jam i lodhur nga telenovela Veliaj”, Hasimja: Sa më e gjatë bëhet, aq më shumë lodhen njerëzit
Para, dashuri dhe krim, djali i themeluesit të ‘Mangos’ arrestohet për vrasjen e babait të tij
Gazetari Vojka nga SHBA-ja: Irani ka ndaluar negociatorët iranianë që të bëjnë negociata
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet